اقرأ روضۃ الاطفال ۔۔۔۔۔۔  جہاں دینی تعلیم و تربیت اور عصری علوم و فنون کا حسین امتزاج پایا جاتا ہے۔اقرأ۔۔۔۔۔ وہ اولین دینی ادارہ جس نے اس وقت کمسن نونہالان امت کی دینی بنیادوں پر تعلیم و تربیت کا بیڑہ اٹھایا جب انہیں لادینی کی مسموم فضاؤں نے گھیر رکھا تھا ۔  

اقرأ روضۃ الاطفال ۔۔۔۔۔ اقرأ نظام تعلیم کا بانی ادارہ ، جس نے تعلیم کی بنیاد قرآن اور حفظ قرآن پر رکھی؛ تاکہ دین و ایمان بچوں کی گھٹی میں شامل ہو جائے، قرآن اور حفظ قرآن کی نعمت گم گشتہ دوبارہ ہمارے گھروں اور دلوں میں گھر کر جائے، جس کی ضیاء پاشیوں سے ہماری دنیا و آخرت روشن ہو جائیں ۔ 

 اقرأ روضۃ الاطفال کا قرآنی مشن افراد یا ادارے سے وابستہ نہیں اور نہ ہی اس کا مقصد مال و دولت ، عزت و شہرت یا دنیوی شرف و جاہ کا حصول ہے؛ بلکہ مسلم معاشرے کو تعلیم قرآن کی بنیاد پر تعلیم کا ایک ایسا اسلوب و طرز مہیا کرنا ہے کہ ہر مسلمان کو اس کی متاع گم گشتہ یاد دلادے ،ہر دل میں اس کے حصول کی تڑپ پیدا کردے اور ہر بچے کو دین و دنیا کے علوم اور بہترین تربیت سے آراستہ کر کے کامیابی کی شاہراہوں پر ڈال دے ۔